Lalaking dunay kasong robbery ug rape dakpan sa mga awtoridad

Davao City -Nasikop sa mga operatiba sa Bansalan Municipal Police Station (MPS) ang usa ka wanted person nga nailing usa ka Ronie Galila Daño Jr., 32 anyos, taga Purok Lubi, Barangay Managa, Bansalan Davao Del Sur atol sa joint Manhunt Operation kauban ang Davao Sur Police Provincial Office diin gikasa ang operation sa sitio New Bohol, Balutakay, Brgy. Managa, Bansalan, Davao del Sur.

Sumala pa nga ang akusado dunay warrant of arrest nga gi-isyu ni Presiding Judge Marivic Trabajo Daray sa Regional Trial Court 11, Branch 18, Digos City under criminal case No. 280 for anti rape law of 1997 and Republic Act 8353 nga walay piyansa nga girekomendar ug robbery with violence against or intimidation of persons (RPC art.294) nga adunay girekomendar nga piyansang nagkantidad og P100,000.00.

Ang maong operasyon gilangkuban sa PNP Personnel sa Matanao Municipal Police Station, gipangulohan ni Police Captain Daisy Flor O. Angga, Acting Chief of Police, Bansalan MPS pinangulohan ni Police Major Jeffmar Tercero kauban pang mga dagkong opisyal sa PNP.

Ang pagkasikop sa maong akusado kabahin sa gipakusgan nga paningkamot sa Davao del Sur Police Provincial Office sa pagdakop sa mga wanted person nga nakahimo og kalapasan sa balaod aron atubangon ang ilang kaso.

RadyoMaN Don Pulayao