Lalaking dunay kasong robbery with homicide arestado

Davao City – Detinado na karon sa Santo Tomas Municipal Police Station (MPS) ang usa ka lalaki nga adunay kasong Robbery with Homicide, human kini nadakpan atol sa Manhunt Charlie Operation sa Hall of Justice Building sa Barangay New Pandan, Panabo City, Davao del Norte niadtong Pebrero 14, 2023.

Sa interbyu sa DXDC RMN Davao kang Police Major Rodante Varona, Acting Chief of Police sa Santo Tomas MPS, giila niini ang suspek nga si Ryan Baterna alyas Nono, 35 anyos, ulitawo, ug residente sa Feeder Road 1, Barangay Tibal-og, Santo Tomas, Davao del Norte.

Matud sa police official, aduna nay kanhi kaso ang dinakpan. Apan, ang iyahang kaso karon sa iyang pagka-aresto, walay girekomendang pyansa.

“Nadakpan ‘ni siya sauna, possession sa baril diri sa Santo Tomas. Tapos, naka-bail siya. Mao ‘to nga karon naa syay hearing, na-trace namo, naa pa syay warrant of arrest nga pending,” sulti sa pulis.

Padayon ang pagpahimangno sa kapulisan sa katawhan nga likayan ang mga iligal nga aktibidad, ug i-report sa awtoridad kung aduna may masayrang nagabuhat sa ingon.

RadyoMaN Kirby Manzon