Compostela Valley – Malamposong naaresto sa kapolisan sa lungsod sa New Bataan ang usa ka lalaki nga ginangita sa balaod alas 4:30 ang takna sa kahaponon sa Purok 1 Barangay Magsaysay New Bataan Compostela Valley.
Ang dinakpan nailhan sa pangalang Janslowe Calinisan, 22 anyos, ulitawo nga taga Purok 4 Barangay Bantacan lungsod sa New Bataan.
Sumala sa report nga nahipos gikan sa New Bataan police station nasayran nga nasiplatan sa mga tigpaniid sa kapolisan ang akusado hinungdan nga giaresto kini bitbit ang warrant of arrest sa kasong pagsupak sa Section 5 R.A 7610 kon child abuse law niadtong Oktubre 27, 2017.
Sa kasamtangan, ang akusado gikustodiya sa kapolisan samtang nagpaabot sa sunod ng mando sa korte.
RadyoMaN Jules Catisay
Facebook Comments
