Davao City – Wa pay gikatudlo nga suspetsado ang San Pedro PNP kalabutan sa usa ka lalaki human gipusil alas 6:00 sa kagabhion didto sa Ampawan St.Bacaca Barangay 19-B siyudad sa Davao.
Base sa spot report gikan sa San Pedro ang biktima naila sa pangalang Roger Villanueva Sr., 46 anyos.
Matud pa samtang ang biktima nagprepara sa iyang panihapon nakit-an niya ang tulo ka mga suspek nga lalaki dayon gipusil kini igo sa nawong lakip sa walang abaga niini.
Human sa hitabo ang biktima daling gidala sa Southern Philippines Medical Center aron sa pagpatambal diin padayon pa kining nagpaalim sa karon.
Dugang sa blotter, narekober sa kapolisan gikan sa crime scene area ang duha ka basiyo sa bala nga 9mm.
Naglusad na og imbestigasyon ang kapulisan aron masayran unsa ang motibo sa pagpamusil sa biktima.
RadyoMaN Don Pulayao
