Sa interview sa DXDC RMN Davao kang Police Major Marvin Hugos, Station Commander sa San Pedro Police Station, gibutyag niya nga wala pay tagtungod nga nag claim sa patay’ng lawas ug anaa pa sa morgue sa Southern Philippines Medical Center (SPMC).
Segun ni Hugos, walay nakuha nga mga valid ID gikan sa posisyon sa biktima hinungdan nagpabiling kini Mr.X.
Dugang ni Hugos, ang biktima gibana-banaang nag-edad og 25 anyos, 5’3″ ang gitas-on, nagsuot og short pants nga pula ug itum nga t-shirt ug dunay tattoo sa dughan ug sa tuong bahin sa kamot.
Nanawagan si Hugos sa mga pamilya nga nawad-an og membro sa pamilya nga mamahimong moreport sa buhatan sa San Pedro Police Station o moadto sa SPMC aron sa pag-ila.
“Wala pay pamilya mipatim-aw San Pedro hangtud karon, kung naa moy minahal sa kinabuhi nga wa kauli, lalaki ni siya, naa sya karon sa morgue sa Southern Philippine Medical Center (SPMC),” sulti ni Hugos.
RadyoMaN Don Pulayao
