Davao City – Nailhan na San Pedro Police Station ang lalaking gipusil sa wala mailhing suspetsado kagahapon alas 4:05 sa hapon sa Arellano St., Brgy. 10-A, Davao City.
Sa report sa San Pedro Police Station naila ang biktima nga si Jay Besin Jagunos, 37 anyos, minyo, residente sa Talisay, Mintal Relocation, Davao City.
Sumala sa initial nga imbestigasyon, usa ka lalaki nagsul-ob og itom nga jacket, maong pants, medium build, 5’7” ang gitas-on, ang nakita nga daling mibiya sa nahitaboan nga nagbaktas paingon sa V. Mapa St., Davao City, kinsa gikonsiderar nga mao ang suspek.
Nakuha sa SOCO Team, ang duha ka basiyo sa .45 kalibreng pistola sa crime scene, samtang ang biktima anaa sa morgue sa Southern Phillipines Medical Center (SPMC).
Kapulisan padayong naglusad og follow up operasyon aron mailhan ang suspetsado aron madakpan ug masayran ang motibo sa pagpusil sa biktima.
RadyoMaN Don Pulayao
Facebook Comments
