Davao City – Personal nga bangi ang gilantaw karon nga motibo sa Tagum PNP labot sa pagpusil-patay sa usa ka lalaki nahitabo pasado alas-5:00 sa hapon sa Bermudez Timog, Brgy. Apokon, Tagum City.
Ang biktima giila nga si Kim Galimba nga taga-Purok 10, Brgy. Madaum, Tagum City.
Sa interbyu sa DXDC News Team kang Tagum PNP spokesperson Pol. Capt. Anjanette Tirador, gibutyag niini nga nahilakip sa Top 10 drug personality sa Provincial Level ang biktima diin nagpadayon ang probation sa kaso niining gikaatubang nga RA 9165.
Gani posible matud pa nga nahibal-an sa mga kakaubanan niini nga mutahan na ang biktima sa kapulisan ug sa kahadlok nga masakpan ang grupo ila kining gipatay.
Hinuon, padayon pang ginasuta sa awtoridad kung unsa pa ang mga posibleng anggulo sa pagpusil-patay sa biktima.
RadyoMaN Jason Amisola
