Malita, Davao Occidental- Patay ang usa ka 40 anyos nga lalaki human gitigbas alas 8:00 sa gabii sa Barangay Shanghai sa lungsod sa Malita Davao Occidental.
Subay sa report gikan sa Malita Municipal Police Station, ang biktima giila nga si Eric Tayawan, 40 anyos, samtang ang suspetsado mao si Noriel Taglay, alyas Nognog, 26 anyos, parehong nagpuyo sa maong lugar.
Sumala sa imbestigasyon samtang ang biktima ug suspect didto sa balay ni Bankilan Tanting, nagkalalis ang duha sa wala masayring hinungdan nga miresulta sa pagtigbas sa suspetsado sa biktima. Si Tayawan nakaangkon og daghang tinigbas sa lawas nga miresulta sa iyang kamatayon.
Human sa insidente suspetsado gilayong mitahan sa usa ka CAFGU ug giturn-over sa kapolisan lakip na ang hinagiban nga gigamit sa pagpanigbas aron pasakaan og kaso.
Kasamang Don Pulayao
