Kana ang gikumpirma ni Police Corporal Aldrin Jala, ang assistant investigator sa Carmen Municipal Police Station atol sa pakighinabi sa DXDC RMN Davao.
Subay sa imbestigasyon ug base sa affidavit sa pamilya nga anaa sa police station, hubog niadtong tungora si Ricky Latimbang Beloy ug nagmaoy hinungdan nga gipakalma kini sa igsuong si Dave. Apan wala damhang siya na hinuon ang giinitan ug gitiunan og hinagiban.
“Miadto ni si Dave [suspect] sa ilaha kay nangayo man og tabang ang ilang isa ka igsuon kay iyang gibadlong kay magmaoy na, manghilabot na, manakit na, iyahang gi-warningan nga tama na. Ang gibuhat aning biktima si Ricky, mikuha noon siyag mga hagiban, mga hait. Sa depensa ni Dave, iyaha nalang gipusil,” saysay pa ni Jala.
Dugang pa nga tungod sa pamahayag ug desisyon sa pamilya sa ilang affidavit, dili na sila mupasaka pa og reklamo batok kang Dave apan gipanigurado sa Carmen MPS nga andam sila mu-assist kung unsa man ang sunod nga lakang sa pamilya.
RadyoMaN Ivy Parido
