Patay ang isang kwarentay singko anyos na magsasaka matapos itong pagbubugbugin ng lalaking may ari ng bahay na pinasok nito sa bayan ng Mangaldan.
Ang biktima ay nakilalang si Noli Ocumen habang ang suspek ay nakilalang si Allan Erasquin residente ng Barangay Anolid sa nasabing bayan.
Ayon sa imbestigasyon, naabutan ng live in partner ng suspek ang biktima na kinakain ang kanilang pagkain na nasa ibabaw ng kanilang mesa kaya kinompronta ito.
Lumabas ang suspek at dito na sila nagpang abot kung saan ay pinagsusuntok nito ang biktima na napuruhan sa bahagi ng ulo nito at bumagsak sa sahig.
Isinugod pa sa pagamutan ang biktima subalit idineklarang Dead on Arrival habang boluntaryo namang sumuko sa mga otoridad ang suspek. |ifmnews
Facebook Comments
