Cauayan City – Nagtamo ng sugat ang tatlong indibidwal matapos silang saksakin ng lalaking may problema sa pag-iisip na nag-amok sa Brgy. Linao West, Tuguegarao City kahapon ika-6 ng Disyembre.
Ayon sa ulat, hinabol ng lalaki ang 5 katao gamit ang isang itak kung saan tatlo sa mga ito ang kanyang nasaksak.
Kaagad namang rumesponde sa insidente ang hanay ng Tuguegarao Police Station upang awatin ang lalaki.
Unang nagpaputok ng warning shot ang kapulisan upang patigilin ang suspek subali’t sa halip na magpaawat ay tinangka pa nitong sugurin ng itak ang isang pulis kaya naman napilitan silang barilin ito sa kanyang paa.
Samantala, kaagad namang isinugod sa pagamutan ang tatlong biktima ganun din ang suspek upang malapatan ng agarang lunas.
Facebook Comments
