Lalaking mikaon sa utok sa usa ka babaye, patay human misukol sa kapulisan

PC: RadyoMaN Jao Gumapac

Patay na kagabie ang lalaking mikaon sa utok sa usa ka babaye sa Talisayan, Misamis Oriental.

 

Kini human misukol human gi inquest sa Cagayan de Oro kagahapon tungod sa kasong murder.

 

Apan sa dihang pabalik na kini sa Talisayan, Misamis Oriental  nihunong ang gisakyan niining mobil patrol  sa Punta Gorda, Jasaan, Misamis Oriental kay na flat ang ligis sa sakyanan.


 

Samtang, naghangyo ang suspect nga ibalhin sa atubangan ang posas sa iyang kamot niini kay mangihi apan samtang gibalhin sa pulis ang posas kalit nga giilog sa suspect nga si Lloyd Bagtong ang pusil sa pulis ug nagpanuto apan nibalos og pabuto ang mga kaubang pulis busa naigo ang suspect nga maoy hinungdan sa iyang kamatayon.

 

Mahinumduman nga niadtong Huwebes sa dihang giputla sa ulo sa suspect ang usa ka babaye sa Barangay Punta Santiago, Talisayan, Misamis Oriental ug gihimong toppings sa iyang kan-on ang utok niini.

 

Sa karon, wala pa maila ang babayeng giputlan sa ulo ug wala pay paryente nga nikuha sa patayng lawas sa suspect.

Facebook Comments