General Santos City— Dakpan sa gipahigayong pursuit operation sa kapulisan ang usa ka Hardinan Jagocoy, 38 anyos nga residente sa Santiago Village, Brgy. Lagao ning dakbayan, suspek sa pagpanglugos sa iyahang anak-anak.
Sumala kang Police Chief Inspector Peter Pinalgan Jr. hepe sa Police Station 3 nga basi sa pamahayag sa biktimang si alyas Jacky, 12 anyos nga unom na siya katuig nga gina-molestiya ug ginalugos sa suspek.
Kini gumikan ang inahan sa biktima ang kaipon sa suspek rason nga posibleng maoy hinungdan nga nadelatar ang pagsumbong sa kapulisan ug ang iyaan pa maoy mi-uban sa biktima aron ma-report ang moang insidente ngadto sa otoridad.
Dugang pamahayag ni PCI Pinalgan nga pinaka-uwaheng paglugos sa biktima nahitabo kaganinang kadlawon ayha kini nadakpan bandang alas 8 pasado ang takna sa buntag.
Subay sa impormasyon sa biktima, wala ginahatagan ug pagtagad sa inahan ang sumbong sa niini nga siya ginahilabtan sa suspek gumikan sa kumpyansa ug pagsalig niini gumikan iyaha mang kaipon ang suspek.
Gibutyag man usab ni PCI Pinalgan nga miangkon ang suspek sa pagpanglugos nga iyahang gihimo sa biktima basi sa inisyal nilang interrogation.
Nakatakdang pasakaan ug kasong lugos ang suspek kung asa posible matud pa kining mahagbong ug multiple counts of rape gumikan dili lang kausa nahitabo ang pagpanglugos kundili sulod sa unom ka tuig.
