Davao City – Wala pay nag-claim nga mga kabanay sa patay’ng lawas sa lalaking armado human misukol sa pulis niadtong alas 12:05 sa gabii September 2, 2023 sa Block 2, Carmelite, Brgy. Buhangin, Davao City.
Base sa report sa Bajada Police Station, nagpabiling Mr.X, kapin 20 anyos, 5’4″ ang gitas-on, naka-short pant color black ug t-shirt og color yellow, samtang patay’ng lawas naa pa sa Southern Philippines Medical Center (SPMC).
Kahinumduman, ang suspetsado nakit-ang mikatkat sa koral sa usa sa pinuy-anan sa maong lugar sa dihang gi-respondehan sa mga pulis, inay mosumiter sa iyang kaugalingon, mibunot sa iyang .38 kalebring rebolber ug gipusil ang pulis, hinungdang gibalusan pagpusil nga miresulta sa kamatayon niini.
Daling gidala sa SPMC, ang suspect alang sa medikal nga pagtagad, apan namatay.
RadyoMaN Don Pulayao
Facebook Comments
