Davao City – Patay ang usa ka lalaki human nabanggaan ang sakyanan sa Highway, Guihing, Hagonoy, Davao del Sur bandang alas-3:20 sa hapon kagahapong adlawa, Disyembre 27, 2018.
Sa report sa Hagonoy PNP, nabanggaan sa pick up ang biktimang mitabok sa national highway ug tungod sa kakusog sa impact, nakaangkon og major injuries ang lalaki nga usa ka Bobby Gonzales Albaracin, 49 anyos, minyo ug residente sa Purok Camarin, Campo 10, Guihing, Hagonoy, Davao del Sur samtang ang driver sa pick-up nailang si Alan Manreal Aradillos, 50 anyos, minyo ug taga Felis, Malita Davao Occidental.
Daling gidala sa balay-tambalanan ang biktimang si Albaracin apan gideklara na kining dead on arrival.
Sa karon, gikustodiya na sa kapulisan sa Hagonoy ang driver sa pick up u gang maong sakyanan samtang nagpadayon pa usab ang imbestigasyon kalabotan sa maong insidente.
RadyoMaN Renz Barbarona
