Davao City – Samdan ang usa ka lalaki human giluba sa iyang kapuyo.
Sa report gikan San Pedro PNP, biktima naila nga usa ka Alejandro Obra, 34 anyos ug residente sa Duterte St. Brgy 76-A, siyudad sa Davao human matud pa giluba sa iyang live-in partner nga nailang si Josie Jean Sanchez, 22 anyos ug nagpuyo sa nahisgutang lugar.
Base sa report, pasado alas 7 sa gabii samtang ang biktima anaa didto sa ilang panimalay, kalit kini gidungab tumong sa iyang likod nga bahin resulta sa duha ka samad nga iyang naangkon gani gibaharan sa live-in partner ang biktima nga og makigbulag iyang patyon ang ilang anak.
Nasayran nga nagsugod ang ilang away human miadto ang biktima sa iyang mga igsuon kagabii apan una na kining gidid-an sa kapuyo hinungdan nga nasuko ang iyang ka live-in og sa walay pag duha-duha, gidunggab niini ang biktima.
Sa karon, nagpaalim na sa balay tambalanan ang biktima samtang ang kaso giduso usa sa barangay level.
RadyoMaN Don Pulayao
