Davao City- Gitabangan na sa employer ang pamilya sa laborer nga nakabsan sa kinabuhi human nadat-ugan sa gipas-an nga troso sa San Antonio, Cateel, Davao Oriental niadtong pasado alas 2 sa hapon sa November 23, 2023.
Sa interview sa DXDC RMN Davao sa Cateel Municipal Police Station (MPS), giila ang biktima nga mao si Josie Banad, 39 anyos.
Sa pagpanubay, nigula nga samtang pas-an sa tulo ka laborer ang kahoy, na-out balanced ang duha ug dayong na-slide si Banad nga anaa sa tunga ug nadat-ugan hinungdan sa iyahang hinanaling kamatayon.
Human nadawat ang report, dali kining girespondehan sa San Antonio Municipal Disaster Risk Reduction and Management Office (MDRRMO) ug sa mga kapulisan apan pag-abot sa area, wala na kini natabang pa ug gideklarang patay na.
Sa post sa kabanay niini nga si Victoria Sillada Enguin, iyang giingon nga dawaton nalang nila ang nahitabo aron dili na usab mag antos pa sa kapait ug kasakit ang biktima.
RadyoMaN Ivy Parido
Facebook Comments
