Lalaking nag duyan, gibunalan-angol

7

General Santos City—Angol ang biktimang si Adoy Sartiga, 41 anyos, residenti sa Purok Buan, Barangay Sinawal, Gensan human kining gibunalan sa suspek nga giila lang ug Alias Nonoy, legal age, van driver, gamit ang tubo didto mismo sa ilang lugar.

Sa report nga nahipos sa RMN News Team nasayran nga natulog ang biktima sa duyan didto sa ilang tugkaran dihang kalit lang kining giduol sa suspek dayon gibunalan ug tubo sa iyang ulo nga bahin nga hinungdan sa pagkaangol niini.

Paspas usab nga misibat ang suspetsado samtang ang biktima, gidala dayon sa ospital aron mapailawom sa medikasyon.

Human nga gilapatan ug tambal ang samad niini, gitugotan man dayon kining makauli sa ilang panimalay.

Facebook Comments