Lalaking nagapamaligya og tuba, gipusil-patay

Davao City- Patay human gipusil ang usa ka lalaki nga nagapamaligya og tuba alas 11:30 sa buntag nga natigayon sa Purok Sampaguita Brgy. Bulacan Malalag, Davao del Sur.

Sa report gikan sa Malaglag Police Station, naila ang biktima nga usa ka Jaime Joroz Arnado, 39 anyos, residente sa Mamacao Kisulad Sta. Maria Davao Occidental samtang ang suspetsado wala pa gihapon mailhi diin nasayran nga nakasuot kini og puti nga helmet sakay sa usa ka single motorcycle sa dihang nahitabo ang insidente.

Matud pa, kalit giduol sa suspek ang biktima dayon gipusil igo sa iyang lawas gani daling gidala ang biktima sa Golingay General Hospital apan gideklara ni Dr. Richard Calzada si Arnado nga dead on arrival.


Blanko pa ang kapulisan og unsa ang motibo sa pagpusil-patay sa biktima gani naglusad na og manhunt operation ang Malalag PNP aron mailhan ang suspetsado.

Kasamang Don Pulayao

Facebook Comments