Lalaking naglamay naangol human ‘trip’ nga giposposa’g bangko

92

Davao City – Daling gidala sa balay tambalan ang usa ka 18 anyos nga lalaki kinsa samaran human kini giposposa’g bangko sa ulo sa gitambungan niini nga lamay sa NHA Barangay San Agdao ning syudad sa Davao.

Naabtan sa DXDC ang inahan nga si Emma Elemon aron ipatala ang insidente sa kapulisan sa Sta. Ana.

Sumala niini, naglamay ang iyahang anak nga si Kenji Elemon dihang kalit miduol ang suspek nga si Kenneth Lopez ug giposposan ang ulo niini og bangko.


Human sa insidente igo nalang kining nilakaw.

Samtang, sumala sa biktima, dili sila magkaila sa suspek ug walay bikil nga nahitabo una pa man mahitabo ang insidente.

Sumala sa biktima, ilaha pang desisyunan sa ilahang pamilya kung iduso ang kaso batok sa nisibat nga suspek.



RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments