Sa interbyu sa DXDC RMN Davao kang Police Staff Sergeant (PSSg) Ian Paul Arais, Duty Investigator sa Digos City (PS), giila niini ang biktima nga mao si Uswaldo Noval, hamtong ang pangidaron, residente sa Barangay Binaton, Digos City.
Saysay sa imbestigador nga pauli ang biktima diin naki-hitch kin isa iyang silingang adunay motor, kalit na lamang kining gipusil sa wailhing gunman.
Naigo sa ulo nga bahin ang biktima hinungdan sa iyang hinanaling kamatayon.
“Na-timingan niagi ‘to iyang silingan, naki-hitch siya. Mao ‘to pag-abot didto sa Purok Ipil-Ipil, sa may kanto gipusil na sya sa wala mailhing mga suspek,” saysay sa pulis.
Nakig-alayon na usab karon ang kapulisan sa pamilya sa biktima aron masayran kung unsa ang motibo sa krimen.
RadyoMaN Kirby Manzon
