Davao City- Sikop ang usa ka lalaki sa dihang nakuhaan kini og iligal nga droga atol sa pagkahaybol niini sa iyang gisakyang motorsiklo.
Giila ang dinakpan nga si Darwin Montilla, 21 anyos, ulitawo ug residente sa may Purok 3 New Visayas, Montevista, Compostella Valley Province.
Sumala pa sa report nga sa dihang naaksidente si Montilla ug gidala sa Davao Regional Medical Center sa siyudad Tagum aron matambalan sa mga bun-og nga naangkon niini, nakuha gikan sa possesion sa dinakpan ang usa ka heat sealed sachet nga dunay sulod sa gituohang shabu.
Sa maong impormasyon, daling nanawag ang nasangpit nga ospital ngadto sa Tagum City Police Station, giadtoan sa otoridad ug dayun giposasan si Montilla.
Sa karon, tanggong ang dinakpan sa Tagum PNP ug gina-andam na ang kasong RA 9165 kun Comprehensive Dangerous Drugs Act of 2002 nga ipasaka batok kaniya.
RadyoMaN Paul Canono
