Davao City – Mitahan nga ngadto sa kapulisan ang lalaking giingong naka-hit and run sa senior citizen sa Maco, Davao de Oro niadtong June 1, 2024 sa hapon.
Sa interview sa DXDC RMN Davao kang Janice Samalca, anak sa biktimang si Celestino Samalca, 74 anyos, gibutyag niini nga hilabihan ang iyang kasuko ilabi pa nga nasayran niyang naareglo diay sa iyang mga igsuon ang maong kaso sa kantidad nga P130k nga wala siya gipahibalo.
Kahinumduman nga si Janice unang nanawagan sa social media ngadto sa nakabangga sa iyang amahan nga mutahan ilabi pa sa gidangatan niini nga ayha nakabsan sa kinabuhi, nalagpot pa sa sagingan ug nasangit sa mga barbed wire.
Gisuwayan na usab og contact sa DXDC RMN Davao ang Maco Municipal Police Station alang sa saktong impormasyon ug detalye sa giingong pag-surrender sa nakabangga sa senior citizen apan wala pa silay gihatag nga tubag.
RadyoMaN Ivy Parido
Facebook Comments
