NEW JERSEY, Unites States — Arestado ang isang lalaking nag-ala “Joker” matapos takutin ng kutsilyo ang ilang kabataan nitong Martes.
Dinakip sa kasong unlawful possession of a weapon ang kinilalang si Assoumou Diby, 25, ayon sa Haddon Township Police, sa ulat ng Fox News nitong Hunyo 25.
Batay sa pulisya, isang grupo ng kabataan ang nagreklamo na lumapit sa kanila ang suspek at iwinasiwas umano ang dala nitong pocketknife sa harap ng kanilang mga mukha.
Ayon pa sa awtoridad, hindi ito ang unang pagkakataon na nakatanggap sila ng reklamo tungkol sa lalaking pagala-gala sa lugar habang nakasuot ng “Joker” makeup.
Nakatakdang humarap sa korte si Diby sa susunod na buwan.
It’s blurry, but here’s a visual:a man in joker makeup arrested by Haddon Twp, NJ police after allegedly waving a pocketknife at children. The arrest followed days of sightings, scares and calls to police – who say – until last night, the behavior wasn’t criminal @FOX29philly pic.twitter.com/sSDTMYEdk7
— jennifer joyce (@JenniJoyceTV) June 25, 2020
