Davao City – Nakonpirma na gayod ni Jerald Peter Mamada, 31 anyos, ulitawo nga taga sa may Bohol Ave Toril District ning syudad nga mas angay gayud kahadlokan ag mga buhi kay sa mga patay human kini gikawatan sa dihang nakilamay kini sa usa ka punerarya.
Sa rekord nga nahipos sa mga kapolisan sa Toril midangop kining complainant sa ilang buhatan ug nagpakitabang sa dihang gibitbit sa wala mailhing kawatan ang iyang dala nga bag.
Sumala pa, bandang alas 6 sa kagabhion nakatulog kini sa may St. Peter Funeral Parlor sa Toril Branch gikan sa lamay sa usa ka patay nilang paryente.
Sa iyang pagmata nahanaw na ang iyang bag nga dunay sulod nga mahalon nga cellphone, 3,000 ka pesos cash ug relo.
Wala nay laing nahimo ang complainant ug igo na lang kini nagpatala sa Toril PNP.
Kapolisan naghimo na ug follow up investigation kun dun bay CCTV nga gimontar sa nahisgutan nga purenarya aron nga mailhan ug masikop ang maong kawatan.
RadyoMaN Paul Canono
