Davao City – Inay maglingaw-lingaw kauban ang mga higala, kamatayon na hinuon ang gidangatan sa usa ka Edwin Dela Concepcion human kining nalumos sa baha sa Purok Yaka, Barangay Talomo, Sto. Tomas, Davao del Norte.
Sa pakighinabi sa DXDC RMN Davao kang Reymart Rabino, ang igsuon sa biktima, iyang gibutyag nga nakainom ang iyang maguwang kauban iyang mga barkada ug nagdesisyon nga mangambak ug maligo sa tubig.
Apan tungod sa kakusog sa bul-og sa tubig, naadto kini sa lawom nga bahin ug wala na natunga pa.
Nahitabo ang insidente niadtong Pebrero 1 sa hapon ug napalgan na ang lawas pagka-ugma sa Pebrero 2 nga wala nay kinabuhi.
Dugang ni Rabino nga nagpabilin pa ang taas nga baha karon sa ilang lugar tungod sa pag-awas sa dike.
RadyoMaN Ivy Parido
Facebook Comments
