Davao City – Kritikal ang kahimtang sa usa ka lalaki nga nakig-inom sa iyang mga barkada human kini gidunggab sa usa ka construction worker.
Biktima naila nga si Mark Banluta, 25 anyos nagpuyo sa Baliok Toril syudad sa Davao samtang ang suspek nailang Antonio Ongco, 20 anyos, residente sa Manggahan St. Brgy.76-A ning syudad.
Base sa report gikan sa San Pedro PNP, ala 1:30 sa kaadlawon ang biktima didto sa Bolton Bridge kauban sa iyang mga barkada apan kalit gidunggab sa suspek si Banluta diin naigo kini sa walang kilid sa iyang kalawasan.
Human sa hitabo daling gitabang ang biktima ug gidala sa Southern Philippines Medical Center aron matambalan kinsa padayon pang ginaobserbahan ang kondisyon niini.
Tungod niini, nagpahigayon gilayon og hot pursuit operation ang San Pedro Pnp resulta sa pagkasikop sa suspek diin balhug na kini sa selda sa kapolisan ug mag-atubang ug tukmang kaso nga ipasaka ngadto sa korte.
RadyoMan Don Pulayao
