Davao Occidental – Nakaplagang patay ang usa ka lalaki nga dunay samad sa liog sa Sitio Pananag, Brgy. Manuel Peralta, Davao Occidental.
Sa interview sa DXDC RMN Davao kang P/Sgt. Kimmy Michael Layto inbestigador sa Malita Municipal Police Station, naila ang biktima nga si Ponso Ansay, alias Amag, 24 anyos, residente sa nahisgutang lugar.
Matud ni Layto, nilakaw ang biktima ug nanghagbas sa ilang uma apan wa na kini kauli hinungdan gi-apas ug gipangita sa duha niya kaigsoon nga sila Galson Ansay ug Roy Ansay ug pag-abot sa uma nakit-an na lamang ang biktimang nagbuy-od na sa kasagbutan nga wa nay kinabuhi ug daghang samad tinigbasan sa nagkadaiyang parte sa lawas ug liog.
Gidugang ni Layto, posibleng gitulis ang biktima tungod kay nagapa-utang kini’g kwarta.
Sa pagkakaron naglusad na og manhunt operation, ang Malita Municpal Police Station aron madakpan ang suspek nga mipatay sa biktima.
RadyoMan Don Pulayao
