Lalaking nakit-ang patay sulod sa sakyanan walay foul play

Davao City – Subay sa imbestigasyon sa Toril Police Station giingong suicide ang usa sa ginalantawng rason sa mga operatiba sa lalaking giila nga si Joshua Eulmar Rizada Galindo, 27 anyos, aircraft maintenance, residente sa Villa Nilda Subdivision, Brgy.Lizad, Toril, Davao City, ang nakit-ang patay sulod sa iyang sakyanan nga nakaparada sa Rasay Street, Toril, alas 3:25 sa hapon niadtong Enero 20, 2024.

Sa pakighinabi sa DXDC RMN Davao kang Police Captain Marlon Donguilab Station Commander sa Toril Police Station gisulti niya, subay sa imbestigasyon sa kapulisan, una nahitabo ang insidente matud pa ang biktima nag-away kini sa iyang asawa magtulo na ka adlaw ang milabay.

Segun ni Donguilab, wala na niuli ang biktima sa iyang asawa og didto na nagpuyo sa iyang inahan sukad nga nagkalalis sa iyang asawa.

Dugang ni Donguilab, nigawas usab sa inbestigasyon sa SOCO Team nga walay nakitang foul play sa kamatayon sa biktima. Narecover sa mga awtoridad gikan sa crime scene ang usa ka cal. 9mm pistol, usa ka basiyo sa bala ug usa ka slug.

Subling nagpahimangno ang opisyal sa mga magti-ayon kung aduna may mga panag-away o dili pagsinabtanay sa magtiayon, mas maayo mag-istorya ug dili itago aron dili mosangpot sa pagpakamatay.

RadyoMaN Don Pulayao