Davao City- Napriso sa kapolisan sa Talomo ang usa ka ulitawo human iyang gibaklad ug gikuhaan og video ang usa ka dalagang estudyante nga naligo sa banyo.
Ang dinakpan mao si Jerry Sarvida Cesar, 27 anyos, ulitawo, nga taga Purok 14, De los Santos , Bugac Maa Davao City samtang ang biktima mao si alias Ellen, 21 anyos, dalaga, estudyante ug nagpuyo ra usab sa maong lugar.
Sumala sa report sa kapolisan sa Talomo, alas 7:30 sa kagabhion samtang naligo si Ellen sulod sa ilang banyo nga tupad ra usab sa kwarto sa suspetsado, iyang nasakpan nga nanilip si Jerry sa gamay’ng bangag samtang nag video sa iyang cellphone.
Tungod niini, misyagit gilayon ang suspek ug nangayo’g tabang hinungdang nadakpan ang suspetsado ug giendosar sa kapolisan sa Talomo.
Kasamang Erin Lumosbog
tags: Mindanao, Davao City, DXDC, DXDC 621, Unang Radyo Unang Balita, Erin Lumosbog
