Davao City – Pasakahan og kasong kalapasan sa Akta Republika 9165 Comprehensive Dangerous Drugs Act of 2002 batok sa usa ka drug pusher human nadakpan sa kapolisan sa Sta. Ana ug nakuhaan og gituohang shabu atol sa ilang gilusad nga buy bust operation ala-1:10 sa kaadlawon didto sa Purok 1, Mini Forest, Brgy.23-C siyudad sa Davao.
Sa report gikan sa Sta. Ana Pnp ang suspek naila sa pangalang Mamid Dimangadap Ismael alyas ‘Mads’, 25 anyos nagpuyo sa nahisgutang lugar.
Matud pa sa dihang gikasa ang buy bust operation usa ka sakop sa kapolisan nga si Police Officer 2 Llavore ang nagpaka aron ingnon nga poseur buyer ug malampuson napalitan ang suspek sa usa ka sachet nga gituohang shabu kambiyo ang buy bust money nga 500.00 pesos hinungdan sa pagkasikop niini.
Narekober sa kapolisan dinakpan ang lima ka sachet nga gituohan shabu lakip nakompiska ang black leather coin purse ug usa ka unit nga keypad cellphone nga maoy gigamit sa iligal nga binuhatan.
RadyoMaN Don Pulayao
