Lalaking nang-harvest og mangga gipusil-patay

Davao City – Gipusil-patay kagahapong adlawa ang usa ka lalaki samtang nangharvest og mangga sa Brgy. Balnate lungsod sa Magsaysay, Davao del Sur. Ang lalaki giila sa kapulisan nga mao si Estribillo Plaza Jr., alyas Junjun, 40 anyos, minyo, residente sa nasangpit nga lugar. Matud pa nga samtang nagharvest kini og mangga pasado alas 5 sa hapon kagahapon, adunay miagi nga puti nga van sakay ang duha ka lalaki ug dayon gipusil ang biktima. Daling miresponde ang kapulisan sa Magsaysay ug gigukod ang mga suspek hinungdan nga nasikop ang duha ka suspek nga sila Bryan Cuevas Pesdona, alyas Eric, 31 anyos ug Wowie Sausuna, pulos residente sa Magsaysay lakip nadakpan ang driver sa van nga si Ferdinand Aguilar. Sa karon, gikustodiya na sa kapulisan ang mga nasangpit nga mga suspek ug ginasuta na karon og unsa ang motibo sa paghimo sa maong krimen. RadyoMaN Renz Barbarona tags: DXDC 621 RMN Davao

Facebook Comments