Davao City – Gikasohan na sa Talomo Police Station ang lalaking nailang Oliver Lipana, alias Archie Ferris, 35 anyos, taga Malita, Davao Occidental, human nangawat og tv ug electric fan nga nagsuot sa uniporme sa pulis sa Brgy. Puan, Talomo, Davao City.
Sa interview sa DXDC RMN Davao kang Police Major Noel Villahermosa, Station Commander sa Talomo Police Station gibutyag niya, kasong kalapasan sa Art.179 sa Revised Penal Code o Illegal nga paggamit sa uniporme sa pulis, ang gipasakang kaso batok sa suspetsado.
Segun ni Villahermosa, ang police athletic uniform nga iyang gisuot ug nagpailang pulis, iya kining kinawat sa Malita Davao Occidental.
Kahinumduman, naglusad ang kapulisan og operasyon sa bag-ong boarding house nga iyang gipuy-an sa Matina Aplaya, hinungdan nasikop ang suspect.
RadyoMaN Don Pulayao
Facebook Comments
