Davao City – Emosyonal nga nangayo og pasaylo ang driver nga si Alyas Ruel ngadto sa traffic enforcer nga si Marvin Ranez human niya kining gigukod og hinagiban niadtong August 7, 2024 sa National Highway, Panabo City, Davao del Norte.
Sa impormasyon gikan sa City Information Office Panabo, gipasabot ni Ruel nga aburido ang utok niya adtong tungora tungod sa problema sa balay nga nadala niya sa trabaho hinungdan nga nainit ang iyahang ulo ug nahinaykan ang maong traffic enforcer pinaagi sa pagkuha og kutsilyo dihang giharang sila sa dalan.
Hinuon giangkon niini nga aduna gyud siyay mali ug nag-public apology. Gidawat usab ni Ranez ang pagpangayo niini ug pasaylo ug nag-areglo.
Apan sa bahin sa Land Transportation Office (LTO) XI, nag-areglo man ang duha ka kampo apan aduna gihapoy atubangon si Ruel nga charges tungod nagpabiling lig-on ang balaod trapiko sa Panabo.
RadyoMaN Ivy Parido
Facebook Comments
