Davao City – Nadakpan sa kapulisan sa Monkayo ang usa ka lalaki nga giila sa alyas “Enoc” tungod sa kasong kalapasan sa balaod kontra iligal nga droga, pusil, ug pagpangdagmal.
Sa report, nasayran nga nag-pakitabang gilayon ang iyang live-in partner human kuno niya kini kulatahon ug pusilon atol sa ilang panaglalis sa Barangay Mt. Diwata.
Matod sa imbestigasyon, miikyas pa ang suspetsado apan gitudlo kini sa biktima kon asa mismo ang lugar diin siya nagtago-tago ug nadakpan.
Nasakmit sa kapulisan kang alyas “Enoc” ang usa ka .45 nga pusil nga adunay magazine ug tulo ka buhing bala, usa ka green pouch, digital weighing scale, ug usa ka heat-sealed sachet nga adunay gituohang shabu.
Gikustodiya na siya sa Monkayo Municipal Police Station samtang giandam ang kaso batok niya ilawom sa R.A. 9165, R.A. 10591, ug R.A. 9262.
RadyoMaN Kareen Beltran
Facebook Comments
