Sa interview sa DXDC RMN Davao kang Dinglas, iyahang gisaysay nga iyahang ig-agaw ang maong lalaki nga nailang si Rico Mahinay, 32 anyos taga Datu Balong, San Isidro, Davao del Norte nga napalgang wala nay kinabuhi ug nagbaton og mga samad dinunggaban sa lawas.
Matud ni Dinglas nga nakurat sila sa nahitabo sa iyahang ig-agaw, diin iyahang nahibaloan nga tuig na sab nga nagtrabaho ang biktima sa usa ka tindahan sa Davao City.
“Wala gyud ‘mi kabalo nganong naingon ato ‘to siya. Wala pud ‘mi kabalo unsay sala nganong naingon ato. Nabigla lang gyud ko sa post nga akong nakita nga ingon ana na diay nahitabo sa iyaha,” matud ni Dinglas.
Sa pagkakaron, napahibalo na sab sa DXDC sa kabanay ang address sa punerarya sa Toril asa gidala ang iyahang ig-agaw ug ilaha na sab nga giproseso ang kinahanglanon aron nga ilahang mapahilona ang lawas sa biktima. Hustisya sab ang ilang singgit sa gihimo sa ilang miyembro sa pamilya.
RadyoMaN Kirby Manzon
