Davao City – Gikumpirma sa Matanao Municipal Police Station (MPS) nga walay foul play ang kamatayon sa usa ka lalaki nga nasangit sa window grills sa iyang gipuy-ang balay sa Purok 3, Barangay New Visayas, Matanao, Davao del Sur alas 7:30 sa buntag niadtong Nobyembre 11, 2022.
Sa interbyu sa DXDC RMN Davao kang Police Staff Sergeant Ronelyn Gomez, imbestigador sa Matanao MPS, giila niini ang biktima nga si Jose Maria Canlas, 51 anyos, ulitawo, caretaker sa manggahan ug kasamtangang nagpuyo sa maong lugar.
Nasayran nga hubog ang biktima pauli niadtong higayona ug didto na nahitabo ang insidente kung asa nihuot sa grill sa bintana ang iyang lawas nga maoy gituohang hinungdan sa iyang kamatayon.
“According didto sa mga tanod, nagbaklay daw na siya (biktima), mga 1 to 2am na seguro nawala siguro ‘to niya ang susi unya gusto na sya musulod sa balay ba. Mao ‘to didto sya niagi sa bintana,” saysay sa imbestigador.
Sa pagkakaron, gipahiluna sa pamilya ang patay’ng lawas sa biktima.
RadyoMaN Kirby Manzon
Facebook Comments
