Natagpuan nang walang buhay kahapon ang katawan ng lalaking naunang naiulat na nawawala noong unang araw ng Enero ngayon taon.
Base sa report ng pulisya, ang biktima ay Isang 36-anyos na lalaking napaulat na nawawala sa Pugaro Beach, Dagupan City. Kahapon, muling nagsagawa ng retrieval operation Ang awtoridad na pinangunahan ng Coast Guard Sub-station Narvarte, katuwang ang mga opisyal ng Barangay Bonuan Gueset at mga lokal na residente.
Ayon kay Erickson Tan, isa sa mga kasamang bahagi ng operasyon, hindi tumigil ang mga awtoridad at ang mga kasamahan nila sa paghahanap upang matunton ang nawawalang lalaki.
Natagpuan ang katawan ng lalaki sa bahagi ng Lucap Wharf, Alaminos City, na nawala malapit sa Pugaro Beach, kung saan ito huling nagpunta kasama ang ilang kaibigan. |𝙞𝙛𝙢𝙣𝙚𝙬𝙨
Facebook Comments
