CAUAYAN CITY – Arestado ang isang lalaking tulak ng ilegal na droga matapos ang isinagawang buy-bust operation ng kapulisan ng Diffun Police Station.
Kinilala ang naaresto bilang si alyas “Balong”, nasa hustong gulang, at residente ng Purok 6 Brgy. Maria Clara, Diffun, Quirino.
Sa operasyon, narekober mula sa kanya ang 2 plastic sachet ng hinihinalang shabu, buy bust money na nagkakahalaga ng P1,000, isang lighter, isang coin purse, at isang cellphone.
Ang pagkakaaresto ng suspek ay pinangunahan ng Diffun Police Station sa pamamagitan ng koordinasyon sa PDEA Regional Office 2.
Kasama rin sa operasyon ang Quirino Provincial Intelligence Unit (QPIU), Quirino Provincial Drug Enforcement Unit (QPDEU), Regional Intelligence Unit 2 (RIU 2), at 1st Quirino Provincial Mobile Force Company (QPMFC).
Samantala, mahaharap naman sa kasong paglabag sa RA 9165 o Comprehensive Dangerous Drugs Act of 2002 ang suspek.
