Cauayan City – Sa pagpapatuloy ng pinaigting na kampanya kontra ilegal na droga, isang Anti-Illegal Drug Buy bust operation nanaman ang tagumpay na naisagawa sa Brgy. Calamagui 1st, Ilagan City, Isabela.
Sa pinagsanib na pwersa ng Ilagan City Police Station at Philippine Drug Enforcement Agency Regional Office 2, nadakip ang isang street level individual na si alyas “Simon” matapos positibong masamsaman ng ilegal na droga.
Nakumpiska sa pag-iingat at kontrol ng suspek ang isang silyadong plastic sachet na naglalaman ng hinihinalang shabu, isang plastic sachet na naglalaman ng karagdagang 16 na piraso ng silyadong plastic sachet ng hinihinalang shabu, P4000 na siyang buy-bust money, cell phone, at motorsiklo.
Matapos ang tagumpay na operasyon, dinala sa himpilan ng Ilagan City PS ang suspek para sa dokumentasyon at pagsasampa ng kasong paglabag sa RA 9165 o Comprehensive Dangerous Drugs Act of 2002.
