Davao City – Nakaangkon ug daghan samad ang usa ka ulitawo human gidunggab alas 3:00 sa kaadlawon didto sa Purok Ikp, Seaside, Brgy Lapulapu siyudad sa Davao.
Sa report gikan Sta Ana Pnp naila ang biktima usa ka Spencer Cumamao, 19 anyos nagpuyo sa nahisgutang lugar samtang ang suspetsado, usa ka hubog nga wala pa mailhan ang kompletong pangalan.
Matud pa, ang biktima mipalit ug sigarilyo sa usa ka tindahan apan pag-abot niini sa tindahan kalit kini giduol sa suspek ug adunay gipangutana sa biktima apan gumikan wala kini gitagad ni Cumamao gidunggab kini sa maong lalaki sa makadaghang higayon tumong sa likod.
Human sa hitabo ang biktima nakahimo pa ug dagan padulong sa ilang balay ug nangayog tabang sa iyang inahan aron pagluwas sa iyang kinabuhi gumikan sa kadaghang samad nga iyang naangkon hinungdan gidala kini sa Southern Philippines Medical Center.
Samtang ang kapolisan sa Sta Ana Pnp naglusad na og dugan imbestigasyon aron pag-ila sa suspek ug pagsuta kun unsa ang motibo sa pagdunggab sa biktima.
RadyoMaN Don Pulayao
