Siayan, Zdn-Gipasakaan na ug kasong murder ug Frustrated murder ang lalaki nga mihimo sa pagpanigbas niadtong adlawng Martes didto sa may Sitio Balokangon, Brgy. Guibo, Siayan, ZDN, nahitabo kini bandang 11:00PM .
Ang biktima mao si Jayson Piyok, 19, resident era usab sa nahisgutan nga barangay.
Kahinumduman sa gihimong pag imbistiga ni PO3 Epaphras U. Galleposo III, nasayran nga ang mihimo sa maong pagpanigbas mao si Primo Romaga ug misulod kini sa usa ka barung-barong nga iya ni Sammy Piyok, sa walay daghang pangutana mitigbas kini sa makadaghan nga higayon.
Ang duruha nakaangkon ug samad tinigbasan apan naka maneho pa kini sa pagpalayo ug dali kining gidala sa balay tambalanan.
Human sa panghitabo subli na sab nga misulod sa panimalay ni Anselmo Angas kini si Primo ug lakip ang asawa ni Anselmo nga si Epin Angas ug ang ilang anak nga babaye.
Patay si Anselmo Angas samtang ang asawa ug anak padayon pa kining gitambalan sa ospital. Hinuon, naaresto ra sab kini ug anaa na sa balay bilangguan.
Butyag pa ni PO3 Galleposo nga wala sila’y nakitang motibo ug posible nga nawad-an lang kini sa saktong panghuna-huna hinungdan nga iyang nahimo ang maong pagpanigbas.
