Dear Tamsi Supsup ug Bobby Lalat
Maayong buntag mga IDOL Tamsi ug Bobby!!! Ako diay si Aira, 24 anyos, taga
iponan Cagayan de Oro City. Ingon nila Dili lalim ang maseparate ka sa
imong hinigugma kay lagmit dili mo makasinabot ug mahimong magaway lang mo
sa kadugayan.
Siyempre dili ko motu-o kay wala pa man nako nasinati ning ilang gi-ingon.
Karon nga nadawat ang akong bana sa iyang gitrabahu-an sa lain nasud ug 2
years ang iyang kontrata, murag makaingon na jud kog dili lalim ilabina nga
nakipuyo lang ko sa akong ugangang babae.
Sukad nga ni abroad ang akong bana diri na nako nakita ang tinuod nga
kinaiya sa akong ugangang babaye. Una, ga-atang siya sa sweldo sa iyang
anak, siyempre akong hatagan kay mao may tugun sa akong bana ug ako na pud
biya siyang inahan. Ika-duha, nagsugod na og pangutang og mga appliances
kay lagi dili siya magpalupig sa iyang kumare nga iyang silingan nga daghan
og gamit sa panimalay. Ika tulo, Nasakpan nako nga gasugal diay ning akong
ugangan.
Ang nakapait karon idol kay nabali ang storya nga naabot didto sa akong
bana. Gitipid daw nako akong ugangan, pulos sardinas lang daw akong
gipapakaon sa iyaha. Sakit kaayo sa ako nga part kay haskang suku-a jud
niya!!! Ako pud nga gusto mo explain dili na makahigayon kay dili man siya
mamati sa ako-a.
Unsa man akong angayang buhaton niining akong ugangan, kung mahimo akong
papauli-on na lang akong bana diri aron udang tanang gabuhtaon sa iyang
inahan. Tabangi ko mga idol. dinhi na lang kutob ang inyong sulat
magtatampo,
Aira
