*Dear Tamsi Supsup ug Bobby Lalat,*
*Maayong adlaw Supsup Lalat Tandem! Ako diay si Lucky but not so lucky. 18 anyos, taga Lapasan, Cagayan de Oro City. Ingon nila “walay makalupig sa gugma sa MAMA ngadto sa iyang mga anak”. Wala ko nagtuo nga grabe ang gugma ni mama sa ako. Galapaw lapaw jud! Ingon iniini ang nahitabo idol. Grabe nga kalipay ang gibati ni mama sading nakagraduate ko sa high school mura jud siya’g nakadaug og sweepstakes. Karon nga College nako alaga lang gihapon ko gani iya pa kong ibaby kay syempre kami ra man gud ang magkasangga sa kinabuhi wala na akong papa ug wala koy laing igsoon. *
*Sa akong pageskwela nagkita mi sa akong klasmayt sa high school na si Daniela, klasmayt mi sa college unya pareho ang among kursong gikuha. Sa sige namo og kuyog ni Daniela ning samot ang akong gusto sa iyaha, tuod dugay ra ko nagkagusto sa iyaha pero karon murag nigrabe kay sige mi og uban unya ni amin pud siya sa ako nga nagkagusto pud siya sa ako grabe akong kalipay supsup lalat. Akong gisultihan si mama bahin niini kaso murag nagpabungol bungol man si mama, naay one time nga iya kung gikasab-an kay lagi dili siya mo uyun nga maguyab uyab ko komedya pa ni mama nga ayha na daw ko maguyab uyab ining mag edad na ko og 45 anyos! *
*Karon aduna mi sabot ni Daniela nga magkita sa usa ka lugar aron opisyal na nga manguyab sa iyaha, samtang naligo nadungog nako akong cellphone nga nibagting sa kaong paggawas nakita nako si mama nga gitan-aw akong cellphone ako siyang gipangutana kung naa bay nagtext ingon siya wala human nananghid ko ni mama nga mo lakaw ko dili unta ko niya sugtan pero namugos jud ko kay excited kong makita si Daniela. *
*Nakaabot ko sa among tagpu-an pero gilamok na lang ko walay Daniela nagpakita. Ni uli na lang ko sa balay nga nagbagutbut. *
*Sa eskwelahan nagkita mi ni Daniela kaso suko kaayo iyang nawong, ako siyang gitawag pero wala ko niya bale-baleha ug ako na mismo ang niduol sa iyaha aron klaruhon ang tanan. Gi ingnan jud nako siya nga bakakon siya kay iya kung giindian, pero ang iyang ingon nasuko siya sa kong gitext sa iyah pero wala man ko nagtext sa iyaha, gikuha ni Daniela ang cp ug gipakita ang maong mensahe. Didto na dayon ko nagduda nga si mama ang nagreply kang Daniela. *
*Nasakitan ko sa gibuhat ni mama, nganong ingon ani man siya? Nganung dili man siya mosugot nga maguyab uyab ko? Dili bitaw nako pasagdan ang akong pageskwela. iDol, insakto ba ang gibuhat sa akong mama nga iyang paki-alaman ang akong buhay pag-ibig? Kinahanglan ba nga tumanon nako iyang gusto sa tanang panahon? Tabangi kog waswas niining akong lama, ug dinhi na lang kutob ang inyong sulat magtatampo.*
*Lucky*
