Dear Tamsi Supsup ug Bobby Lalat,
Maayong buntag mga LODI Tamsi ug Bobby!!! samtang nagtype ko aning akong suliran grabe akong hilak duha na kabuok rolyo sa tissue akong nahurot. By the way ako diay si Ginny 25 anyos, Taga Tagoloan. Dili man diay sayon ning makauyab ta og seloso pero naabot mig 3 ka tuig nga ayaw bati. Ingon nila normal lang ang selos sa relasyon kay dugang spices sa gugma aron molami pero sa among kahimtang mura man og nasubraan ang kalami bidli na hinuon pero kapit lang gihapon.
Ingon ini man gud ang nahitabo, nagpropose siya sa akong niadtong Dec 2017 unya karon busy nami sa among preparation. Samtang ga work gisiguro jud nako nga mamanage nako ang time sa pagprepare sa among kasal.
Naay one time Idol nga gikuha ko ni Dex sa office, nahulata siya sa gawas og nakit daw ko niya nga may lalaki nga gakusi kusi sa akong gilid og si kuya Bert to. Sa ako wala lang to! pero sa iyaha big deal na kaayo! ginasungog ko niya nga bagay daw mi kuya Bert. Syempre wala ko nisabay sa iyang pagkaseloso akong giexplain nga si Kuya Bert kuya namo na sa office, siya ang taong among maduolan inkaso dili mi kasabot sa atmosphere sa office siya ang gahatag og tamabag sa amo. Na unsa naman nuon nga nasuko siya sa ako, ningsamot ang iyang kasuko niadtong gisulti-an nako si Dex nga naay marecommend si Kuya Bert nga organizer.
Sukad adto nidistansya ko kang Kuya Bert, wala na nako gidawat ang iyang offer para wala samok.
Naglihok mi sa among mga papers alang sa kasal, gikapoy ko atong panahuna as in nasipyat ko sa paglitok og pangalan imbis nga Dexter Kuya Bert naman nuon akong na mention. Suko kaayo si Dexter sa ako-a, basi daw naa mi relasyon.. magsaba lang daw ko kung idayon pa ba naman ang kasal.
Hangtud karon wala pa ko gikontak ni Dex. Ambot ba kung nganong lahi akong namention nga name ato nga time wala man sad nako gituyo. OO, Seloso ang akong uyab oo, pero mas grabe ni karon dili nako maexplain kay mura kog nakasala og dako kaayo nga wala ba jud! Sa May na ang among kasal og hangtud karon wala pa ko niya ginakontak, interesado pa ba siya sa among kasal? ako ba ang mokontak sa iyaha nga siya man ang sayop? Healthy pa ba ka ha ni nga relasyon? ako ba ang sal-an? naglibog jud iFM mga lodi, unsa man akong buhaton? please waswasi kining akong lama og dinhi na lang kutob,
Ginny
