Dear Tamsi Supsup ug Bobby Lalat,
Maayong buntag Tamsi Supsup ug Bobby Lalat, hinaut mapili ninyo ning akong sulat aron malamdagan ko sa possible nakong buhaton. Tawaga na lang ko sa pangalang Angel, 28 anyos, taga brgy Carmen Cagayan de Oro City. Nagdako ko nga pirmi nasunod ang gusto sa akong ginikanan, kay lagi sila ang mas nauna sa duyan. Ingon pa nila “paingon pa ka, pabalik nako” samtang nagkadako nagkadako pud akong huna huna nga dili sa tanang panahon sila ang masunod.
Usa ka adlaw ana gihatud ko sa akong uyab gikan naglaag, pagsulod namo sa balay nag-atang na sila Mama ug Papa suko kaayo sila kay dugay ko niuli ug usa pa dili sila ganahan sa akong Bf kay lagi tambay. Akong gi-explain sa akong ginikanan nga gapangapply pa akong uyab busa dili sila mabalaka.
Daghan kaayo kog nadungog nga negatibo sa akong uyab kesyo tambay, ikaw ray magbuhi sa iya ana sa umaabot. Pero love man nako ang akong Bf mga idol maski ug ingon siya nakaingon gani ko sa akong bff nga kung akoy mobuhi sa iyaha ok ra wala koy problema.
Ang pinakasakit nga akong nabati-an kay katong nakauli nasad ko nga gabii na kaayo unya gikasaan ko sa akong ginikanan ug nalahi na daw ko sugod naka uyab ko nahimong bad influence si Koko kuno sa ako-a. Dili nako madawat idol, nakabuhi jud ko og pulong nga wala nila ganahi sama sa “May pag maglahi na lang ko kung dili ninyo madawat akong desicion sa kinabuhi” ug tuod man gihagit ko ni Papa nga ipalayas ko niya! naglain akong ginhawa idol gusto na jud ko malahi kay naulaw ko sa akong gibuhat ug usa pa taas na akong edad pero gaduha duha ko kay sila lang man gud duha ang mahibilin sa balay. Busa tabangi ko idol sa pagdesicion unsa man akong buhaton? dinhi na lang kutob,
Angel
