Dear Tamsi Supsup ug Bobby Lalat,
Maayong buntag Tamsi ug Bobby, Adlaw adlaw jud ko gapaminaw sa sa inyong programa. Daghan nakog nakuha-an nga pagtulun-an sa inyong duha mao nang magpatambag pud ko kung unsa akong angayang buhaton. Ako diay si Pina dili nako tinuod na pangalan, 36 anyos, taga Cugman Cagayan de Oro City.
Kini akong problema bahin sa akong anak na lalaki kay ang taong naghatag sa iyahag inspirasyon wala na niya makita pa og tungod ni ana daghan na ang nahitabo nga wala nako angayi sama sa iytang pagpabaya sa iyang mga grades, sa una mas aktibo unya Top 1 pirmi sa klase peo karon sus! problema jud kaayo nako kay wala namay gana sa pageskwela unya dili na pud gapraktis sa basketball kay lagi nawala na iyang gusto tungod wala na iyang papa.
Karon todo kayud ko kay walay laing kasaligan ako ra jud! unsa man akong buhaton niining akong anak ilabina nga wala na iyang daddy nga naghatag og inspirasyon sa iyaha, nya dili pa jud nako siya masubaybayan sa iyang homeworks ilabina sa iyang pageskwela kay kinahanglan nakong magdouble time sa trabaho kay usa na lang ko naglihok para sa among duha sa akong anak. Tabangi ko mga iDOL, unsa may makapabalik sa gana sa akong anak aron magpadayon sa pageskwela?? Daghang salamat og dinhi na lang kutob ang inyong sulat magatatmpo,
Pina
Adunay ka bay reaction? i-comment na!
