Dear Tamsi Supsup ug Bobby Lalat,
Maayong buntag Tamsi ug Bobby, ug sa mga naminaw niinig station ilabina sa lama sa kagahapon. Itago na lang ko sa pangalang Tina 35 anyos, taga Calaanan cagayan de Oro City. Sa tinuod lang dili ko mahilig og share sa akong problema kay di ko gusto nga pagpyestahan sa uban ang among storya pero pinaagi sa inyong programa nisalig ko nga inyong mahatagan og pagtagad og pribasiya ang akong tinuod na pangalan. Aduna koy manghud 3 years ang among gap ug may usa ka anak nga lalaki nga nagedad og 14 anyos unya walay papa kay wala man giunungan.
Kada adlaw na lang iDol gasige og pabadlong kining anak sa akong igsuon na sa Tes, haskang tapulan kaayo. Usa ka adlaw gisugo nako nga manglimpyo kay gubot kaayo ang balay kay magluto pa sad ko dili ko ganahan nga sige lang siya og higda tan-aw og tv. Nahuman na lang kog luto, wala na nako nakit-an si Jay-r diay ning laag og ambot asa ning paingon.
Gabii na ug nakauli na si Tes, nangita sa iyang anak akong gisulti-an nga milaag. Ang akong igsuon wala man lang nagbali bali nga pangita-on ang iyang anak, kay ingon pa niya iya rang tawagan sa cellphone. Hangtud usa ka adlaw wala na jud nako napugnangan akong kaugalingon nga sita-on akong manghud kay sayo na sa kadlawon ni uli ang iyang anak abi ko og kawatan hapit jud nako madapatan! Giparemind nako akong manghud nga dili itolerate ang binuhatan sa bata, sadihang nasuko man siya sa ako kay lagi pakialamera daw ko! tungod sa iyang kasuko iya kung kung giignan nga maglahi na lang daw sila og puyo kay dili daw ko niya masabtan nganong suko kaayo ko sa iyang anak.
hangtud karon Tamsi ug Bobby wala pa jud mi nagkastoryahay sa akong igsuon. Sala ba nako nga concern raman ko sa unsay mahitabo sa iyang anak sa gawas? Unya haskang tapulan kaayo iyang anak! Unsa kaha kung ako na lang silang pasagdan? Unsay akong angay buhaton ani nila idol? Tabangi ko sa pagwaswas niining akong lama sa kagahapon ug dinhi nalang kutob inyong sulat magtatampo,
Tina
