General Santos City—himas rehas na ang usa ka 22 anyos nga batan-on human nga nalambigit sa riot ug nakuhaan ug shabu sa may Prk. 17, Barangay Fatima Gensan alas 10:00 ang takna sa gabie, July 24, 2017.
Suspek giilang si Romeo Basa, 22, residenti sa Purok Rajah Buayan, Barangay Tambler Gensan.
Sa inisyal nga imbistigasyon sa Police Sation 7, nasuta nga nalambigit ang nahisgutang suspek sa riot sa maong lugar. Sumala pa nga nag ugat ang rambol dihang gihilabtan ang lechon nga handa sa birthday party nga gitambungan sa nahisgutang suspek.
Tungod apil ang suspek nga nakigrambol, siya gisikop. Dihang girekisa ang lawas niini nakit-an ang duha ka sachet sa gituohang shabu diin nakit-an sa bulsa sa nahisgutang suspek.
Tungod niini gawas sa kasong ipasang-at kaniya human nalambigit sa rambol, pasakaan usab kini ug kasong paglapas sa RA 9165 (the Comprehensive Dangerous Drugs Act of 2002) human nakuhaan ug shabu.
