Davao City – Usa sa mga wala nadayon nga aktibidad sa pasko fiesta sa miaging tuig mao ang Lamdag Parada.
Ang Lamdag Parada usa ka drum and bugle corps competition ug star float parade nga paga apilan sa nagkadaiyang grupo sa Davao ug mga kasikbit nga lugar niini.
Ang maong aktibidad ipahigayon gikan sa Roxas Street padung sa Rizal street subay sa selebrasyon sa ika-81 sa Araw ng Dabaw.
Subay niini nakaplastar na ang mga personahe sa City Transport and Traffic Management Office kun CTTMO aron magbantay sa dagan sa traffic sa syudad ug sa mga dalan nga agian sa mga partisipante sa maong kompetisyon.
Kini ang gisaysay ni CTTMO Head dionisio abude atol sa interview sa DXDC RMN Davao.
Matud ni Abude nga 23 ka area sa syudad ang gibutngan og regulated no entry sama sa Ponciano ug mag abot sa rotunda sa Ramon Magsaysay avenue ug daghan pang uban.
Dugang niini nga makasinati og bug-at nga trapiko ang mga dabawenyo karong hapon apan gipaniguro sa CTTMO nga dunay igong nakadeploy nga ilang mga personahe sa pagbantay sa dagan sa trapiko ug duna pud silay gibutang nga mga alternatibong routa.
Gani gihangyo ni Abude ang katawhan nga mukooperar ug musabot sa mga kabag-uhan sa dalan tungod alang man usab kini sa kaayuhan sa selebrasyon sa Araw ng Dabaw.
RadyoMaN Renz Barbarona
